Iazko uztailean Fagollagako zentral hidraulikoa erosi genuen Nafarkoopeko bazkideek egin zenuten ekarpenekin. Ordutik daramagu zentralean hobekuntza eta egokitzapen lanak egiten: 2 tona hondakin atera genituen, kanalaren inguruko sastrakak kendu, zentralaren barneko makinetan mantentze-lanak aurrera eraman…
Udaran Fagollagako zentralaren errendimendua hobetzeko lanetan jarraituko dugu: zentrala automatizatzen, goiko uhateak erregulatzen, kaudalimetro bat eta beste turbina txikiago bat ere instalatzen. Baina, Nafarkoopeko bazkideei zentrala erakusteko gogotsu geundenez, bisitak egiteko zentrala ireki dugu udara honetan. Bisitetan zentralaren funtzionamendua eta ondoko ingurumena ezagutzeko aukera izango duzue, arras polita dena!
Bisitak ekainaren 9an hasi ziren eta abuztuaren 10erarte luzatuko dira. Hala ere, jada plaza gehienak beteak ditugu eta abuztuaren 10eko gaztelerazko bisitarako soilik geratzen zaizkigu lekuak.
Beraz, oraindik ez baduzu zure tokia erreserbatu, adi egon, oso plaza gutxi geratzen dira eta!
Hortaz, Nafarkoopeko bazkideak bazarete eta abuztuaren 10eko bisitan parte hartu nahi baduzue, ondorengo inprimakia betetzea eskatzen dizuegu. Gogoratu beste pertsona batekin lagunduta etortzeko aukera daukazuela, beti ere adin nagusikoa bada.
Zuen zai gaude!
